ტაირის დოს სანტოსი, მეცის 19 წლის ფეხბურთელი, თავის შეყვარებულ კოლინთან ერთად შვეიცარიაში, კრან-მონტანას ბარში იმყოფებოდა, სადაც გაჩენილმა ხანძარმა სულ მცირე 40 ადამიანის სიცოცხლე შეიწირა.
ხანძრის დროს ტაირისი ბარის პირველ სართულზე იმყოფებოდა. მან მოახერხა ხანძრიდან გაქცევა, თუმცა შემდეგ გააცნობიერა, რომ მისი შეყვარებული ჯერ კიდევ შიგნით იყო.
ის კვლავ ბარში დაბრუნდა, რათა ცეცხლიდან გამოეყვანა იგი. ამჟამად როგორც ტაირისი, ისე მისი შეყვარებული, საავადმყოფოში მძიმე მდგომარეობაში არიან.
„ვერ ვიტყვი, რომ ის კარგად არის, რადგან საშინლად იტანჯება. მას სხეულის დაახლოებით 30 პროცენტი დამწვარი აქვს.
დამწვრობები აქვს კეფაზე და სხეულის დიდ ნაწილზე. 4-5 დღე მოგვიწევს ლოდინი, რომ მეტი ინფორმაცია გვქონდეს, რადგან დამწვრობის მქონე პაციენტებისთვის პირველი დღეები კრიტიკულია ინფექციებისა და მეორეული ინფექციების თვალსაზრისით.
ამიტომ ფრთხილად უნდა ვიყოთ, თუმცა მაინც არსებობს პოზიტიური და იმედისმომცემი ნიშნები და ჩვენ ყველანი მის გვერდით ვართ.“ - განუცხადა BFMTV-ს მისმა აგენტმა კრისტოფ ჰიუტომ.
