მიქაუტაძე ცვლილებაზე შემოვიდა - ვილიარეალმა საკუთარ მოედანზე ქულები დაკარგა

ესპანეთის ლა ლიგის მეცხრე ტურში გიორგი მიქაუტაძის ვილიარეალმა საკუთარ მოედანზე ელჩე მიიღო.

შეხვედრა გატანილი გოლების გარეშე, ფრედ 0:0 დასრულდა. ქართველი თავდამსხმელი ძირითად შემადგენლობაში არ ყოფილა და თამაშში 66-ე წუთიდან ჩაერთო.

მიქაუტაძეს თავის გამოჩენის ბევრი შანსი არ მისცემია, თუმცა ერთ ეპიზოდში ჟერარ მორენოს გადაცემამდე მას მხოლოდ სანტიმეტრები დააკლდა. ანალიტიკურმა პორტალმა Sofascore-მა გიორგის თამაში 6.7 ქულით შეაფასა.

მინდორზე გატარებულ დროში მიქაუტაძე ბურთს 9-ჯერ შეეხო, 7-დან 7 ზუსტი პასი გააკეთა (100%-იანი მაჩვენებელი), 1 ბურთი ჩაჭრა და 1 დაკარგა. ამჟამინდელი მონაცემებით, ვილიარეალი სატურნირო ცხრილში 9 ქულით მე-9 ადგილს იკავებს.

მომდევნო ტურში გუნდი სტუმრად ვალენსიას დაუპირისპირდება. თუმცა მანამდე, 20 ოქტომბერს, მიქაუტაძის კლუბს ენფილდზე გიორგი მამარდაშვილის ლივერპულთან ურთულესი შეხვედრა ელის.