მიქაუტაძის ვილიარეალის კრიზისი გრძელდება

ესპანეთის ლა ლიგის მიმდინარე სეზონში გიორგი მიქაუტაძის ვილიარეალმა მორიგი მარცხი იგემა.

ვილიარეალი საკუთარ კედლებში ბეტისს დაუპირისპირდა და მძიმე ბრძოლაში 1:2 დამარცხდა. საქართველოს ნაკრების თავდამსხმელი მასპინძელთა ძირითად შემადგენლობაში იყო და აქტიურად ცდილობდა შეტევაში თავის გამოჩენას, თუმცა ამჯერად შედეგიანი მოქმედების ჩაწერა ვერ მოახერხა.

შეხვედრა ვილიარეალისთვის კარგად დაიწყო. 29-ე წუთზე მორენომ მასპინძლები დააწინაურა, თუმცა სევილიელებმა სწრაფი რეაგირება მოახდინეს. პირველი ტაიმის მიწურულს, კუჩოსა (39') და ნათანის (43') ზუსტი დარტყმებით ბეტისმა თამაში შემოატრიალა და საბოლოოდ სამი ქულა მოიპოვა.

ხუთი ტურის შემდეგ ვილიარეალი ლა ლიგის ცხრილში მხოლოდ 2 ქულით მე-18 პოზიციას იკავებს.