VIDEO: მორიგი მარცხი - ვილიარეალის მოუგებელი სერია გრძელდება

ლა ლიგის მე-5 ტურში ვილიარეალი საკუთარ მოედანზე ბეტისთან დამარცხდა.

ესტადიო დე ლა სერამიკაზე გამართული მატჩი სევილიურმა კლუბმა 2:1 მოიგო.

29-ე წუთზე ხერარდ მორენომ მასპინძლები დააწინაურა, თუმცა ტაიმის ბოლომდე ბეტისმა ორი გოლის გატანა და მატჩის შემოტრიალება შეძლო.

გიორგი მიქაუტაძემ შეხვედრა სრულად ჩაატარა, თუმცა თავისი გუნდი მორიგი მარცხისგან ვერ იხსნა.

5 ტურის შემდეგ ვილიარეალს 2 ფრე და 3 მარცხი აქვს, რის გამოც გუნდი 2 ქულით გასავარდნ, მე-18 ადგილზე იმყოფება.

ბეტისმა კი რეალთან მოგებას ვილიარეალთან გასვლითი გამარჯვებაც დააყოლა და 12 ქულით მე-3 ადგილს იკავებს. ლიდერი ბარსელონაა 15 ქულით, რომელიც ერთადერთი 100%-იანი გუნდია ჩემპიონატში.

1-0 მორენო 28'

1-1 კუჩო ერნანდესი 39'

1-2 ნატანი 43'