მიულერის პროგნოზი და ბაიერნის საჩემპიონო შანსები მიუნხენში

თომას მიულერმა ჩემპიონთა ლიგის ნახევარფინალის პირველი მატჩი შეაფასა, სადაც მიუნხენის ბაიერნი პსჟ-სთან 5:4 დამარცხდა.

გერმანელმა ლეგენდამ პარიზული შეხვედრა ნამდვილ სანახაობად და ფეხბურთის რეკლამად მოიხსენია, თუმცა აღნიშნა, რომ საპასუხო მატჩი განსხვავებული იქნება.

მიულერის ვარაუდით, მიუნხენურ შეხვედრაში დაახლოებით 60-ე წუთიდან ორივე გუნდი უფრო მეტად დაიწყებს შედეგზე ფიქრს. მისი თქმით, ლიდერი გუნდი ეცდება უფრო ღრმად დაიხიოს დაცვაში, ხოლო მდევარი ინიციატივას საკუთარ თავზე აიღებს, რაც თამაშის დინამიკას შეცვლის.

მიუხედავად იმისა, რომ ბაიერნი პსჟ-ს ერთი ბურთით ჩამორჩება, 36 წლის მიულერი ოპტიმისტურად არის განწყობილი. მან შეაქო გუნდის რეაქცია 5:2 ჩამორჩენის შემდეგ და აღნიშნა, რომ ფეხბურთელებმა არ დაკარგეს საკუთარი თამაშის რწმენა და ქაოსის ნაცვლად თავდაჯერებული ბრძოლა განაგრძეს. მიულერი მიიჩნევს, რომ თუ ბაიერნი მიუნხენშიც ისეთივე ხარისხის ფეხბურთს აჩვენებს, როგორიც პარიზში, ისინი შეხვედრას ერთი ან ორი ბურთის უპირატესობით მოიგებენ და ფინალში გავლენ.