ესპანეთის სამეფო თასზე 1/4 ფინალის 8-ვე მონაწილე გაირკვა.
1/8 ფინალებში ერთი დიდი სენსაცია დაფიქსირდა — მეორელიგელმა ალბასეტემ მადრიდის რეალი გამოთიშა ასპარეზობას და თავად 1/4 ფინალის საგზური მოიპოვა.
სხვა მხრივ, ფავორიტებმა საკუთარი სტატუსი გაამართლეს და შემდეგ ეტაპზე შეძლეს გასვლა.
ბილბაომ ექსტრა-ტაიმში და მძიმე ბრძოლაში დაამარცხა კულტურალ ლეონესა (4:3), ატლეტიკომ დეპორტივოს აჯობა (1:0), სოსიედადმა პენალტებში ოსასუნა დაამარცხა (2:2, 4:3), ალავესმა რაიოს სძლია (2:0), ბეტისმა ელჩე დაამარცხა (2:1), ვალენსიამ ბურგოსის ბარიერი გადალახა (2:0), ბარსამ კი ლა ლიგა 2-ის ლიდერ რასინგს მოუგო (2:0).
შესაბამისად, 1/4 ფინალში შემდეგ გუნდები გავიდნენ: ბილბაო, ატლეტიკო, სოსიედადი, ალავესი, ალბასეტე, ბეტისი, ვალენსია, ბარსელონა.
1/4 ფინალურ წყვილებს კი მორიგი წილისყრა დაადგენს.
