VIDEO: ბარსას დიდ ქამბექამდე ერთი გოლი დააკლდა — ატლეტიკო კოპას ფინალშია

კოპა დელ რეის საპასუხო 1/2 ფინალში ბარსელონამ ატლეტიკო 3:0 დაამარცხა.

პირველი მატჩის 0:4 წაგების შემდეგ, კამპ ნოუზე ბარსას სასწაულის მოხდენა სჭირდებოდა და საამისოდ ყველაფერი გააკეთა კიდეც — პირველი ტაიმი ფლიკის გუნდმა 2:0 ბერნალის და რაფინიას გოლებით მოიგო და მატჩის შემოტრიალებისკენ დიდი ნაბიჯი გადადგა.

მეორე ნახევარში გოლის გატანა 72-ე წუთზე კვლავ ბერნალმა მოახერხა და ინტრიგა მაქსიმალურად გააცოცხლა. თუმცა, დარჩენილ დროში ატლეტიკომ საკუთარი კარის მშრალად შენახვა შეძლო და თავის ისტორიაში მეოცედ გავიდა კოპა დელ რეის ფინალში.

ბარსელონამ კი, რომელიც ამ ტურნირის მოქმედი ჩემპიონია, ამ სეზონში ტრიპლეტის შანსი ოფიციალურად დაკარგა.

ფინალურ შეხვედრაში 18 აპრილს ატლეტიკო ბილბაოსა და სოსიედადს შორის გამარჯვებულს დაუპირისპირდება. ბასკურ გუნდებს შორი სპირველი მატჩი სოსიედადმა სტუმრად 1:0 მოიგო.

1-0 ბერნალი 29'

2-0 რაფინია 45+5' პენ

3-0 ბერნალი 72'