CBS-ის ჟურნალისტმა, ქეით სკოტმა, ჩემპიონთა ლიგის ეთერში ვინისიუს ჟუნიორის ინციდენტთან დაკავშირებით მიმართვა გააკეთა.
„მოგწონთ თუ არა ვინი ჟუნიორი, ეს არ უნდა განსაზღვრავდეს თქვენს პოზიციას ამ ინციდენტთან დაკავშირებით. რომელ გუნდს უჭერთ მხარს, ამას არ უნდა ჰქონდეს გავლენა იმაზე, ვის მხარეს დგახართ. ეს არ არის რეალი ბენფიკას წინააღმდეგ. ეს არის სწორისა და არასწორის საკითხი.
ვინი ჟუნიორმა და მბაპემ განაცხადეს, რომ ადგილი ჰქონდა განმეორებით რასობრივ შეურაცხყოფას. პრესტიანიმ თქვა, რომ მათ არასწორად გაიგეს მისი სიტყვები. მაგრამ მან პირზე ხელი აიფარა, რათა კამერებს არ დაენახათ, რას ამბობდა. თუ მოედანზე ნათქვამი იმდენად სირცხვილია, რომ დამალვა გიწევს, მაშინ ცდები.
რასობრივი შეურაცხყოფა ამ თამაშში ახალი არ არის, ბევრმა მოთამაშემ იტანჯა, რათა გზა გაეკვალა ისეთი ფეხბურთელებისთვის, როგორიც ვინი ჟუნიორია, რომ თავისუფლად ეზეიმათ, ბორკილების გარეშე, თუმცა, როგორც ჩანს, 2026 წელსაც კი ეს ჯერ კიდევ პრობლემაა. მათგან ელიან, რომ ყველაფერს ზემოდან გადახედონ, გაჩუმდნენ და უბრალოდ ითამაშონ.
ჟოზე მოურინიო საკულტო ფიგურაა. მაგრამ გუშინ მან ყურადღება სხვაგან გადაიტანა და ფაქტობრივად თქვა, რომ „ვინი ჟუნიორი ამას თვითონ იწვევს“. ეს ძალიან საზიანო ნარატივია.
ვიმედოვნებთ, რომ ფეხბურთი გახდება უკეთესი პლატფორმა, სადაც მრავალფეროვნება ნამდვილად აღინიშნება და არა პირზე აფარებული მაისურებით იფარება.
თუ არ ეთანხმებით, პატივისცემით გეუბნებით, მაშინ სწორედ თქვენ არ გეკუთვნით აქ ყოფნა.“ - განაცხადა სკოტმა.
"როგორ შეიძლება ამის გამართლება?" - ფერდინანდი ვინისიუსს გამოექომაგა
