არგენტინის ნაკრების კაპიტანი, ლიონელ მესი, იმედგაცრუებულია ფინალისიმას გაუქმების გამო — მატჩის, რომელიც კოპა ამერიკისა და ევროპის ჩემპიონატის გამარჯვებულებს, არგენტინასა და ესპანეთს შორის უნდა გამართულიყო.
შეხვედრა 27 მარტს კატარში იყო დაგეგმილი, თუმცა ახლო აღმოსავლეთში არსებული კონფლიქტის გამო საბოლოოდ გაუქმდა.
ფინალისიმა გაუქმდა - არგენტინასთან შეთანხმება ვერ მოხერხდა
ESPN-ის ინფორმაციით, გავრცელებული ხმების საწინააღმდეგოდ, მესის არანაირი მონაწილეობა არ მიუღია და არც გავლენა მოუხდენია უეფასა და კონმებოლს შორის გამართულ მოლაპარაკებებზე, რომელიც ფინალისიმას შესაძლო გადატანას ან გაუქმებას ეხებოდა.
წყაროს ცნობით, ფორვარდი ამ მატჩს განიხილავდა როგორც შესანიშნავ შესაძლებლობას, მოეგო თავისი 48-ე ტიტული 2026 წლის მსოფლიო ჩემპიონატის წინ.
