უეფამ საჯარო მადლობა გადაუხადა რეალ მადრიდს იმ მხარდაჭერისა და თანამშრომლობისთვის, რომელიც კლუბმა ესპანეთისა და არგენტინის ნაკრებების დაპირისპირების, ფინალისიმას ორგანიზებისას გამოიჩინა.
მატჩი, რომელიც თავდაპირველად 27 მარტს უნდა გამართულიყო, ოფიციალურად გაუქმდა. მხარეებს შორის მოლაპარაკებები წარუმატებლად დასრულდა.
ფინალისიმა გაუქმდა - არგენტინასთან შეთანხმება ვერ მოხერხდა
უეფას განცხადებით, განიხილებოდა რამდენიმე ვარიანტი, რათა შეხვედრა შემდგარიყო, მთავარ ლოკაციად კი სანტიაგო ბერნაბეუ მოიაზრებოდა. ორგანიზაციის განმარტებით, მადრიდული სტადიონი ყველაზე რეალური ალტერნატივა იყო.
პირველი ვარიანტი ითვალისწინებდა მატჩის გამართვას სანტიაგო ბერნაბეუზე დათქმულ თარიღში, სადაც ტრიბუნების 50% შეივსებოდა. ეს იქნებოდა მსოფლიო დონის გარემო ასეთი პრესტიჟული ღონისძიებისთვის, თუმცა არგენტინამ ამ შეთავაზებაზე უარი თქვა“.
მეორე წინადადება
უეფამ ასევე გაამხილა, რომ არსებობდა მეორე შეთავაზებაც, რომელიც ფედერაციებს შორის კომპრომისის მოძებნას ისახავდა მიზნად.
მეორე ვარიანტი ფინალისიმას ორმატჩიანი სერიის სახით ჩატარებას გულისხმობდა. ერთი შეხვედრა სანტიაგო ბერნაბეუზე 27 მარტს გაიმართებოდა, ხოლო მეორე ბუენოს-აირესში, 2028 წლის ევროპის ჩემპიონატისა და კოპა ამერიკის დაწყებამდე არსებულ სანაკრებო პაუზის დროს. მადრიდული მატჩისთვის გულშემატკივართა რაოდენობა კვლავ 50/50-ზე გაიყოფოდა. თუმცა, ეს წინადადებაც უარყოფილ იქნა.
მადლობა რეალ მადრიდს
მიუხედავად იმისა, რომ პროექტი ჩავარდა, უეფამ ხაზგასმით აღნიშნა რეალ მადრიდისა და სხვა იმ ორგანიზაციების ძალისხმევა, რომლებიც მატჩის გადასარჩენად მუშაობდნენ.
უეფა გულწრფელ მადლობას უხდის რეალ მადრიდს, საორგანიზაციო კომიტეტსა და ყატარის ხელისუფლებას ამ მატჩის მოსაწყობად გაწეული დახმარებისთვის. რეალ მადრიდის შემთხვევაში, მათი მხრიდან მზაობა უმოკლეს ვადებში იქნა გამოხატული.
