,,მოთამაშეებში ჩანს მონდომება" - რა თქვა სანიოლმა პრესკონფერენციაზე?

უეფას ერთა ლიგის ახალი სეზონის პირველი მატჩის წინ, საქართველოს ნაკრების მთავარმა მწვრთნელმა, ვილი სანიოლმა, პრესკონფერენციაზე ისაუბრა.

მომზადებაზე

,,ორშაბათიდან მთელი გუნდით ვემზადებით, კარგი ატმოსფეროა, ყველას უხარია აქ ყოფნა.

ტრავმების გამო ცოტათი გართულდა მოსამზადებელი ეტაპი, მოგეხსენებათ, კიტეიშვილი, ჩაკვეტაძე და კაკაბაძე ახლახანს დაბრუნდნენ ტრავმიდან, მაგრამ ფეხბურთელებში ჩანს თავდადება და მონდომება, რომ ყველაფერი, რისთვისაც ვამზადებთ, მოედანზე ვაჩვენოთ.”

მეტოქეზე

,,ჩრდილოეთ ირლანდიის მატჩები არაერთხელ გავაანალიზეთ. ვიცით, მათი ძლიერი და სუსტი მხარეები, თუ საიდან უნდა ველოდოთ საფრთხეს და ჩვენ როგორ შეიძლება შევქმნათ საფრთხე.

მზად უნდა ვიყოთ და ველოდოთ ორთაბრძოლებს. ასევე მნიშვნელოვანია, ჩვენ როგორ შევქმნით მომენტებს, როცა ბურთი გვექნება. იქიდან გამომდინარე, როგორ ემზადება გუნდი, ვფიქრობ, თამაშში მის გადატანას მოვახერხებთ“.

კვარაცხელიას ჯორჯ ბესტთან შედარებაზე

,,ხვიჩა შესანიშნავი ფეხბურთელია, როგორც ჯორჯ ბესტი, მაგრამ ხვიჩას ცხოვრება მოედანს მიღმა უფრო მშვიდია, ვიდრე ბესტის იყო.

ბევრმა ფეხბურთელმა თქვა, რომ ოქროს ბურთს თავად იმსახურებს, ხვიჩას კი ეს არასდროს უთქვამს, რაც ნიშნავს, რომ ის შესანიშნავი ლიდერია და გუნდს აყენებს პირველ ადგილზე.

ის ბრწყინვალე პროფესიონალია, რაზეც მეტყველებს ისიც, რომ თავად არასდროს უთქვამს, რომ ოქროს ბურთის მოგებას იმსახურებს, მაგრამ სწორედ ამის გამო იმსახურებს".

დაცვაზე

,,უკვე ვიცი, ვის დავაყენებ დაცვაში. გვიხარია, რომ საზონოვი მოედანს დაუბრუნდა, მას უკვე ველაპარაკე და ვუთხარი, რომ სათამაშო პრაქტიკა სჭირდება, რათა ნაკრებში სათამაშო დრო მიიღოს."

მამაგეიშვილებზე

,,ჩემი შიში იყო, რომ მათი გარჩევა გამიჭირდებოდა, მაგრამ ერთმა ვარცხნილობა შეიცვალა და ამის პრობლემა აღარ იყო. სამწუხაროდ, ოთარმა ტრავმა მიიღო, მაგრამ ტრავმამდე თავი კარგად წარმოაჩინა და ვუთხარი, რომ როცა გამოჯანმრთელებდა და გუნდში ითამაშებს, კვლავ გამოვიძახებ“.

საქართველოსა და ჩრდილოეთ ირლანდიის მატჩი 25 სექტემბერს, 20:00 საათზე, დინამო არენაზე გაიმართება.

ნაკრებს ერთი მოთამაშე გამოაკლდა - სანიოლმა ორი ფეხბურთელი გამოიძახა