მოტას წასვლით, კოლო მუანის იუვეში დარჩენის შანსები შემცირდა

რანდალ კოლო მუანის იუვენტუსში დარჩენის შანსები მცირდება.

ფეხბურთელი კლუბს პსჟ-დან ზამთარში იჯარით შეუერთდა და პირველ 3 მატჩში 5 გოლი გაიტანა, თუმცა მას შემდეგ კლუბის და ნაკრების მაისურით 10-მატჩიანი უგოლო სერია დაუგროვდა.

იგორ ტუდორის ხელმძღვანელობით გამართულ პირველ მატჩში კოლო მუანი მოედანზე არ გასულა. 

La Gazzetta dello Sport-ის ინფორმაციით, ტიაგო მოტას წასვლის შემდეგ, შანსები იმის, რომ იუვენტუსი სეზონის ბოლოს კოლო მუანის გამოსყიდვას შეეცდება, კიდევ უფრო შემცირდა.

თავის მხრივ, ფრანგული პრესა წერს, რომ კოლო მუანის მომავალი არც პსჟ-ში აქვს, რადგან პარიზულ კლუბში მასზე იმედებს არ ამყარებენ.