მოურინიო მედიას გაურბის — „განსაკუთრებული“ პრესკონფერენციებს ბოიკოტს უცხადებს

ჟოზე მოურინიო ბენფიკაში მუშაობის პერიოდში პრესკონფერენციას უკვე მეცხრედ გამოტოვებს.

ბენფიკას მთავარი მწვრთნელი მორიგ პრესკონფერენციას მხოლოდ კლუბის ტელეარხისთვის გამართავს.

შაბათს გუნდი ავეშს დაუპირისპირდება, პორტუგალიელი სპეციალისტი კი BTV-ის ეთერში პარასკევს დღისით გამოჩნდება.

გამოცემა A Bola-ს ცნობით, ეს გადაწყვეტილება შესაძლოა უკავშირდებოდეს ჩემპიონთა ლიგაზე, მადრიდის რეალთან (0:1) მატჩისას მომხდარ სკანდალს.

შეგახსენებთ, რომ ვინისიუს ჯუნიორმა ბენფიკას ფორვარდი, ჯანლუკა პრესტიანი რასიზმში დაადანაშაულა. მოურინიოს კომენტარმა ამ საკითხზე დიდი კრიტიკა გამოიწვია.

მოურინიო: "ვინის აღნიშვნა სხვანაირი უნდა ყოფილიყო"