„მოურინიოზე გავბრაზდი", - ვინისიუსის აღიარება

რეალის შემტევმა, ვინისიუს ჟუნიორმა, რომასთან მატჩში შეცვლით გამოწვეულ უკმაყოფილებაზე ისაუბრა და აღიარა, რომ ჟოზე მოურინიოს გადაწყვეტილებამ გუნდს სარგებელი მოუტანა.

მოურინიომ ვინისიუსის უკმაყოფილებას უპასუხა

„მოურინიუზე ცოტა გავბრაზდი, როცა შემცვალა, მაგრამ ეს ნორმალურია. საბოლოოდ, ის მართალი აღმოჩნდა! გუნდი შეიცვალა და უკეთ ათამაშდა, ყველაზე მნიშვნელოვანი კი სწორედ ეს არის“, - ციტირებს ვინისიუსის სიტყვებს Actu Foot სოციალურ ქსელ X-ში.

ბრაზილიელი 59-ე წუთზე ენდრიკმა შეცვალა, როცა მადრიდელები 1:3 აგებდნენ. მოედნიდან გასვლისას ვინისიუსი ხელებს ემოციურად შლიდა და სამწვრთნელო შტაბის მიმართულებით რამდენჯერმე დაიყვირა: „რატომ შემცვალა?!“

რეალმა მატჩის შემოტრიალება დასკვნით წუთებში შეძლო. მადრიდელებმა მე-80 წუთის შემდეგ სამი გოლი გაიტანეს და ჩემპიონთა ლიგის შეხვედრა 4:3 მოიგეს.