მსოფლიო ჩემპიონატის ჯგუფური ეტაპის პირველი ტურის ბოლოსწინა დღეა და დღეს საქმეში წინა მუნდიალის ორი ფინალისტი ერთვება.
საფრანგეთი - სენეგალი [23:00]
დღეს დიდიე დეშამის გუნდი ზედიზედ მე-3 ფინალისაკენ მიმავალ გზას აფრიკული ნაკრების წინააღმდეგ დაიწყებს. ტრადიციულად, მამლები ერთ-ერთ მთავარ ფავორიტებად მოიაზრებიან და მეტლაიფ სტედიუმზე თავისი ფავორიტობის განმტკიცებას ტურნირის დამაჯერებელი დაწყებით შეეცდებიან.
სენეგალისთვის ეს ისტორიაში მე-4 მუნდიალი იქნება. გუნდმა რამდენიმე თვის წინ აფრიკის თასის დრამა გადაიტანა, როცა ტიტული ოფისებში წაართვეს და ახლა საკუთარი სიძლიერის დამტკიცებას ორმაგი მოტივაციით შეეცდება. სხვათაშორის, საუკეთესო შედეგი აფრიკელებს 2002 წელს აქვთ დაფიქსირებული, როცა 1/4 ფინალში შეძლეს გასვლა.
ამ გუნდების ერთადერთი დაპირისპირება სწორედ იმ 2002 წლის მუნდიალზე შედგა, როცა მოქმედმა მსოფლიო ჩემპიონმა საფრანგეთმა ტურნირი სენეგალთან სენსაციური მარცხით (0:1) დაიწყო და საბოლოოდ, გოლის გატანის გარეშე, ჯგუფში მე-4 ადგილზე დაასრულა. სენეგალი მაშინ იმ გამარჯვების დამსახურებით, ჯგუფიდან 5 ქულით, მეორე ადგილიდან გავიდა.
სავარაუდო შემადგენლობები
საფრანგეთი: მენიო, კუნდე, სალიბა, უპამეკანო, ლუკას ერნანდესი, ჩუამენი, რაბიო, ოლისე, დემბელე, დუე, მბაპე
სენეგალი: დიავი, დიატა, მ. სარი, ნიახატე, დიუფი, გეიე, დიარა, პ.სარი, ი.სარი, ჯექსონი, მანე.
ერაყი - ნორვეგია [02:00]
ერაყისთვის ეს ისტორიაში მხოლოდ მეორე მუნდიალია. პირველად ისინი ტურნირზე 1986 წელს გავიდნენ, როცა 0 ქულითა და მხოლოდ 1 გატანილი გოლით ასპარეზობა ჯგუფში ბოლო ადგილზე დაასრულეს. ამიტომ, თავისი საუკეთესო შედეგის გამეორება ნაკრებს დღესვე შეუძლია. გუნდს თავდაჯერებას მუნდიალის დაწყებამდე რამდენიმე დღით ადრე ჩატარებული ამხანაგური მატჩიც მატებს, რომელშიც ერაყელებმა ესპანეთთან არ წააგეს (1:1).
20+ წლიანი გვალვის შემდეგ, ნორვეგიაში ზეიმის საფუძველი მიეცათ, რადგან კარგი ნაკრები და საოცარი თაობა წამოეზარდათ. ნორვეგიისთვის ეს ისტორიაში მე-4 და ამ საუკუნეში პირველი მუნდიალი იქნება. უკანასკნელად გუნდს ამ ტურნირზე 1998 წელს აქვს ნათამაშები, როცა 1/8 ფინალში შეძლო გასვლა. ეს არის მათი საუკეთესო შედეგიც მსოფლიო ჩემპიონატებზე.
სავარაუდო შემადგენლობები
ერაყი: ჰასანი; ალი, ტაჰსინი, ჰაშიმი, დოსკი; ბაიეში, ისმაელი, ალ-ამარი, ფარჯი; ალ-ჰამადი, ჯასიმი.
ნორვეგია: ნილანდი; რაიერსონი, აიერი, ჰეგემი, ვოლფე; ედეგორი, ბერგე, აურსნესი; სორლოტი, ჰალანდი, ნუსა.
არგენტინა - ალჟირი [05:00]
თუ მსოფლიო მოქმედი ჩემპიონისა და ერთ-ერთი მთავარი ფავორიტის ყურება გინდა, გათენება მოგიწევს, მაგრამ მესის ფეხბურთში ბევრი არ აქვს დარჩენილი და ამიტომ, ნამდვილად ღირს.
არგენტინელები ისტორიის გადაწერას და მსოფლიო ჩემპიონობის რაოდენობით გერმანიისა და იტალიის დაწევის მისიას ალჟირთან მატჩით დაიწყებენ, რომლის შემადგენლობაშიც, სხვათაშორის, ზინედინ ზიდანის ვაჟი, ლუკა ზიდანიც ირიცხება, რომელიც მეკარეა. თუმცა, მთავარ ლიდერებად სიტის ამჯამინდელი და ყოფილი ფეხბურთელები, აიტ ნური და რიად მაჰრეზი რჩებიან.
წინა, ტრიუმფალური მუნდიალის პირველი ნაბიჯი არგენტინამ საუდის არაბეთთან საუდის არაბეთთან სენსაციური მარცხით დაიწყო. ამიტომ, დღევანდელ მატჩში დაუფასებლობას ადგილი ალბათ აღარ უნდა ჰქონდეს.
ალჟირისთვის ეს ისტორიაში მე-5 მუნდიალი იქნება. 1982, 1986, 2010 და 2014 წლებში გუნდი სტაბილურად ჯგუფში რჩებოდა, ამიტომ წელს თუნდაც მე-3 ადგილით ჯგუფიდან გასვლა ნაკრებისთვის უკვე ისტორიული შედეგი იქნება.
სავარაუდო შემადგენლობები
არგენტინა: მარტინესი, მონტიელო, რომერო, ოტამენდი, მედინა, დე პოლი, მაკ ალისტერი, ენცო ფერნანდესი, მესი, ალმადა, ლაუტარო მარტინესი
ალჟირი: ზიდანი, აბადა, ბენსებაინი, აიტ ნური, ზერუკი, ბენტალები, მაჰრეზი, აუარი, ამურა, გუირი.
ავსტრია - იორდანია [08:00]
ავსტრია: ა. შლაგერი; ლაიმერი, ლინჰარტი, ალაბა, მვენე; ქ. შლაგერი, ზაივალდი; შმიდი, ზაბიცერი, გრეგორიჩი; არნაუტოვიჩი.
აბულაილა; ობაიდი, ალ-არაბი, ნასიბი; ჰადადი, ალ-რაშდანი, ალ-რავაბდეჰი, აბუ ტაჰა; ტამარი, ოლვანი, ფახური.
