საქართველოს ეროვნულმა ნაკრებმა თბილისური შეკრება დაასრულა.
ალეკსანდრ ჯიკიჩმა გაფართოებულ შემადგენლობაში 14 მოთამაშე დატოვა - 9 ლეგიონერი და 5 ქართული სუპერლიგის წარმომადგენელი (კახა ჯინჭარაძე, ალექსანდრე ფევაძე, გიორგი ოჩხიკიძე, გიორგი ტურძილაძე, ვილი ისიანი).
ეროვნული ნაკრები ახლა კოპენჰაგენში გაემგზავრება, სადაც დანიის ნაკრებს 27 თებერვალს დაუპირისპირდება, ხოლო 2 მარტს თბილისში უმასპინძლებს.
22 თებერვალს, თორნიკე შენგელიას გარდა კოპენჰაგენში ჩავლენ ლეგიონერები: რატი ანდრონიკაშვილი, მათე ხატიაშვილი, დუდა სანაძე, ბექა ბურჯანაძე, გიორგი კორსანტია, ალექსანდრე მერკვილაძე და ცოტნე ცარციძე.
გუნდის ახალი ნატურალიზებული მოთამაშე, მარკის რიდი გუნდს უკვე თბილისში შეუერთდა. შენგელიას 25 თებერვალს ბარსელონას შემადგენლობაში ევროლიგის მატჩი ელის და მისი დასრულების შემდეგ ის კოპენჰაგენში 26 თებერვალს ჩავა.
