ბრაზილიის ნაკრების მთავარმა მწვრთნელმა, კარლო ანჩელოტიმ დაადასტურა, რომ გუნდის ლიდერმა ნეიმარმა წვივის ტრავმა სრულად მოირჩინა და მუნდიალზე სრული მატჩის ჩასატარებლად მზად არის.
იტალიელმა სპეციალისტმა ღიად აღნიშნა, რომ 34 წლის ვარსკვლავი სათადარიგო სკამზე ჯდომით ბედნიერი ნამდვილად არ არის, თუმცა ვარჯიშებზე თავს არ ზოგავს და სამაგალითოდ იქცევა.
ნეიმარმა მიმდინარე მსოფლიო ჩემპიონატზე ტრავმის გამო მხოლოდ შოტლანდიასთან 14 წუთი ითამაშა, იაპონიასთან მერვედფინალში კი ანჩელოტიმ ის მოედანზე საერთოდ არ შეუშვა, რადგან ძალებს შესაძლო დამატებითი დროისთვის უფრთხილდებოდა.
ის არ არის ბედნიერი, მაგრამ თავს ძალიან კარგად ართმევს ამ როლს. ნეიმარი ვარჯიშობს უმაღლეს დონეზე, გუნდში ყველას უყვარს და ძალიან თავმდაბალია. მას მოედანზე გასვლა სურს და ფიზიკურად უკვე შეუძლია სრული 90 წუთის თამაში
ბრაზილიის ნაკრები 1/8 ფინალში ერლინგ ჰოლანდის ნორვეგიას დაუპირისპირდება, სადაც ნეიმარის დაბრუნება გუნდისთვის უდიდესი ძალა იქნება.
