ნიუკასლის მწვრთნელის ყურადღების ცენტრში – რა ოცნება აიხდინა სალიამ?

ნიუკასლის ქართველმა თავდამსხმელმა, ვახტანგ სალიამ, სენტ ჯეიმს პარკზე სანდერლენდის წინააღმდეგ გამართული ახალგაზრდული დერბის შემდეგ კომენტარი გააკეთა.

ვახტანგ სალიამ ოცნება აიხდინა, როდესაც სანდერლენდის წინააღმდეგ გამარჯვების გოლი გაიტანა. ქართველი ფეხბურთელი ახლა ნიუკასლის მთავარ გუნდში დაწინაურებას ცდილობს.

სალია მოედანზე სათადარიგოთა სკამიდან შევიდა და ნიუკასლის 21-წლამდელთა გუნდს სანდერლენდის წინააღმდეგ ჩამორჩენის აღმოფხვრასა და 3:2 გამარჯვებაში დაეხმარა.

ქართველმა თავდამსხმელმა სეზონში მე-5 გოლი გაიტანა და შეხვედრის მიწურულს თავური დარტყმით გუნდს გამარჯვება მოუტანა.

მატჩს 5100 მაყურებელი ესწრებოდა, მათ შორის ნიუკასლის მთავარი მწვრთნელი მათიას იაისლე და სპორტული დირექტორი როს უილსონი.

შეხვედრის შემდეგ ქართველმა ფეხბურთელმა გამოცემა Gazette-თან ისაუბრა:

როგორც კი აქ ჩამოვედი, მითხრეს, რომ ყველაზე მნიშვნელოვანი მატჩი და ჩვენი ყველაზე დიდი მეტოქე სანდერლენდი იყო. ჩემი ოცნება იყო მათ წინააღმდეგ გოლის გატანა და ვფიქრობ, ეს ოცნება ავიხდინე. ეს ძალიან ემოციური მომენტი იყო. მადლობას ვუხდი ყველას, ვინც მხარს გვიჭერდა და ჩვენი სჯეროდა. ვფიქრობ, საუკეთესო გულშემატკივრები სწორედ აქ, ნიუკასლში არიან.

სალიამ საკუთარ გოლზეც ისაუბრა:

მეც მომეჩვენა, რომ ბურთს კარში შესასვლელად დიდი დრო დასჭირდა და ძალიან მიხარია, რომ საბოლოოდ გოლი გავიდა. მატჩში მაქსიმალურად დავიხარჯეთ. ყოველთვის ვცდილობთ, ყველა შეხვედრა მოვიგოთ, მაგრამ ეს გოლი და ეს გამარჯვება ჩვენთვის ყველაზე მნიშვნელოვანი იყო.

VIDEO: გამარჯვების გოლი - სალიამ ნიუკასლის U21 გუნდს დერბი მოაგებინა