ნოიერის კოშმარი პარიზში: ისტორიული ანტირეკორდი

მანუელ ნოიერის კოშმარული რეკორდი: პსჟ-სთან მატჩში ლეგენდარულმა მეკარემ ერთი სეივიც ვერ შეასრულა.

ჩემპიონთა ლიგის ნახევარფინალში, პსჟ-სა და მიუნხენის ბაიერნის დაუჯერებელ შეხვედრაში (5:4), მანუელ ნოიერმა ანტირეკორდი დაამყარა, რომელიც ტურნირის ისტორიაში 2010 წლის შემდეგ არავის ჰქონია. გერმანული გრანდის კაპიტანმა საკუთარ კარში 5 გოლი მიიღო, თუმცა, ოფიციალური სტატისტიკის მიხედვით, მას ერთი სეივიც კი არ გაუკეთებია. ეს ნიშნავს, რომ პარიზელთა ყველა ზუსტი დარტყმა გოლით დასრულდა.

ნოიერი გახდა პირველი მეკარე ბოლო 16 სეზონის განმავლობაში, რომელმაც ჩემპიონთა ლიგის პლეი-ოფის მატჩში 5 გოლი გაუშვა და ვერცერთი ბურთის მოგერიება ვერ შეძლო. მიუხედავად იმისა, რომ რამდენიმე ეპიზოდში ის ახლოს იყო ბურთთან, პსჟ-ს შემტევების სიზუსტე გადამწყვეტი აღმოჩნდა.

მანუელ ნოიერის კომენტარი:

თქვენ ნახეთ გოლები.. ასეთი დარტყმების მოგერიება ძალიან რთულია. ორჯერ ძალიან ახლოს ვიყავი, შესაძლოა შევხებოდი კიდეც. ხუთი გაშვებული გოლი ნებისმიერ დაცვასა და მეკარეს თავს აკარგვინებს, მაგრამ ჩვენ არ ვიმალებით. მთელ ყურადღებას საპასუხო მატჩზე გადავიტანთ. მიუნხენში, ჩვენს ფორმაში ყოფნისას, შეგვიძლია მათ დაცვას პრობლემები შევუქმნათ

ექსპერტების აზრით, ნოიერი გაშვებულ გოლებში ნაკლებად იყო დამნაშავე. პსჟ-ს სწრაფმა შემტევებმა, ხვიჩა კვარაცხელიამ, უსმან დემბელემ და დეზირე დუემ, ბაიერნის დაცვა არაერთხელ გაარღვიეს და მეკარე გამოუვალ მდგომარეობაში ჩააყენეს.