ოლივეირა: "თოფურიასთან მხოლოდ მაშინ ვიბრძოლებ, თუ ქამარს მოიგებს"

UFC-ის მსუბუქი წონის მებრძოლმა, შარლზ ოლივეირამ ილია თოფურიასთან შესაძლო ბრძოლაზე ისაუბრა.

"ილია თოფურიას მიმართ პატივისცემის მეტი არაფერი გამაჩნია, მაგრამ ეს მსუბუქი დივიზიონია. ეს ყველაზე რთული დივიზიონია, რაც გვინახავს. მე ხელებში ძალა მაქვს, მჯერა ჩემი ჯიუ-ჯიცუსი და მჯერა, რომ ილია თოფურიას გავთიშავ.

თოფურიასთან მხოლოდ მაშინ ვიბრძოლებ, თუ ქამარს მოიგებს. ეს ჩემი დივიზიონია, უფრო მაღლა ვარ რეიტინგში და ჩემპიონიც ვყოფილვარ.

ეს ბიჭი ბევრს საუბრობს, მაგრამ თუ ჩემთან ბრძოლა უნდა, მოიგოს ქამარი და დადოს სასწორზე, შემდეგ კი შევებრძოლები." - განაცხადა ბრაზილიელმა.

მახაჩევმა თოფურიასთან ბრძოლაზე უარი თქვა