ომალის ირონია: "უსმანს ვარჯიშის გაგრძელება ციხეში მოუწევს"

მერაბ დვალიშვილსა და უსმან ნურმაგომედოვს შორის მომხდარი ინციდენტი საბრძოლო სამყაროს მთავარ თემად რჩება. საკითხს საკუთარ YouTube-არხზე გამოეხმაურა შონ ომალი, რომელმაც აბუ დაბიში დაკავებულ დაღესტნელ მებრძოლებზე ირონიული კომენტარი გააკეთა.

ცნობილია, რომ დვალიშვილზე თავდასხმაში დამნაშავედ ცნობილ პირებს, მათ შორის უსმან ნურმაგომედოვს, 6-თვიანი პატიმრობა და 50 000-დოლარიანი ჯარიმა დაეკისრათ. ომალიმ ამ ფაქტს საკმაოდ ცინიკურად შეაფასა:

ექვსი თვე მართლაც ბევრია, მაგრამ ისიც მეტისმეტია, რომ ადამიანებს სახეში ფეხებსა და მუშტებს ურტყამ. რა მსგავსებაა საპატიმროსა და MMA-ს შორის? მგონი ვარჯიში იქაც შეიძლება, რაღაც სავარჯიშო ჯოხები აქვთ, თუმცა შესაძლოა მათი გამოყენებაც აუკრძალონ

მიუხედავად მომხდარისა, ქართველმა ჩემპიონმა კეთილშობილება გამოიჩინა. RAF-ის ღონისძიების დასრულების შემდეგ, მერაბ დვალიშვილმა საჯაროდ განაცხადა, რომ ყველა დაკავებული გაათავისუფლონ.