ოფიციალურად: ანდრე სილვა ლა ლიგაში დაბრუნდა

ელჩემ ლაიფციგის პორტუგალიელი ფორვარდი ანდრე სილვა დაიმატა.

29 წლის პორტუგალიელმა ლა ლიგის კლუბთან კონტრაქტი 2026 წლის ზაფხულამდე, კიდევ ერთი წლით გახანგრძლივების შესაძლებლობით გააფორმა.

ლაიფციგი ანდრე სილვას სანაცვლოდ 1 მილიონ ევროს მიიღებს, კიდევ 500 ათასს კი ელჩე ბონუსებით გადაიხდის.

წინა სეზონის მეორე ნახევარი მილანის ექს-ფორვარდმა ვერდერში გაატარა და ბუნდესლიგის 15 მატჩში 2 გოლი და 2 საგოლე გადაცემა მიითვალა.

ანდრე სილვას ლა ლიგაში სევილიას და სოსიედადის მაისურით აქვს ნათამაშები.