ოფიციალურად: არველაძე ქასიმფაშას მთავარი მწვრთნელი აღარაა

თურქული ქასიმფაშა შოთა არველაძესთან დაკავშირებით ოფიციალურ განცხადებას ავრცელებს.

"ურთიერთშეთანხმების საფუძველზე მთავარ მწვრთნელ შოთა არველაძესთან ჩვენი გზები გაიყო.

მადლობას ვუხდით ბატონ არველაძეს და მის გუნდს ჩვენი კლუბისთვის გაწეული ძალისხმევისა და წვლილისთვის და წარმატებას ვუსურვებთ მათ მომავალ კარიერაში." - წერია განცხადებაში.

Geo Team-ის ცნობით, შოთა არველაძე თურქულ კლუბში მფლობელისა და მენეჯმენტის ცვლილების გამო აღარ იმუშავებს.

ქართველი სპეციალისტი ქასიმფაშაში ივნისში დაბრუნდა, მისმა გუნდმა ჩემპიონატში 14 ტურში 13 ქულა დააგროვა და გასავარდნ ზონას 1 ქულით უსწრებს.