უგო ეკიტიკე ლივერპულის ფეხბურთელია.
მერსისაიდულმა კლუბმა ფრანგი ფორვარდის ტრანსფერი აინტრახტიდან ოფიციალურად დაადასტურა.
80 მილიონ ევროს ლივერპული გერმანულ კლუბს ფიქსირებულად გადაუხდის, 10 მილიონი მარტივად მიღწევადი ბონუსები იქნება, კიდევ 5 კი - შედარებით რთულად. საბოლოოდ, ტრანსფერის თანხამ შესაძლოა 95 მილიონ ევროს მიაღწიოს.
თავად პსჟ-ს ექს-ფორვარდი ლივერპულთან 6-წლიან კონტრაქტს გააფორმებს, მისი წლიური ანაზღაურება კი გადასახადების გადახდამდე 12-13 მილიონი ფუნტი იქნება წელიწადში.
ამ ზაფხულს ეს ლივერპულის მე-4 ოფიციალური ტრანსფერია ფლორიან ვირცის, ჯერემი ფრიმპონგის და მილოშ კერკეზის შემდეგ. გიორგი მამარდაშვილი კლუბმა ვალენსიადან შარშან იყიდა, მიუხედავად იმისა, რომ ქართველი გუნდს წელს შეუერთდა.
