ოფიციალურად: გიორგი ქოჩორაშვილი ლისაბონის სპორტინგის ფეხბურთელია!

საქართველოს ნაკრების ნახევარმცველი გიორგი ქოჩორაშვილი კარიერას ლისაბონის სპორტინგში გააგრძელებს.

ინფორმაციას ესპანური ლევანტეს ვებ-გვერდი ოფიციალურად იტყობინება.

ვალენსიური კლუბის ცნობით, მხარეებს შორის მოლაპარაკებები გასულ უიქენდზე დაჩქარდა და მათ შეთანხმებასაც მიაღწიეს.

კონტრაქტის დეტალებზე ლევანტე არაფერს წერს, მაგრამ გავრცელებული ინფორმაციით, ქოჩორაშვილმა ლისაბონურ კლუბთან 5-წლიანი კონტრაქტი გააფორმა. 

სეზონის ბოლომდე, ანუ 30 ივნისამდე ქოჩორაშვილი იჯარით ლევანტეში დარჩება. 

ლისაბონის სპორტინგი პორტუგალიის მოქმედი ჩემპიონია და ამ სეზონშიც, 27 ტურის შემდეგ, 65 ქულით ცხრილში პირველ ადგილს იკავებს.