მეისონ გრინვუდის ტრანსფერი ფერენბახჩეში ოფიციალურად შედგა.
24 წლის ინგლისელმა თავდამსხმელმა ოლიმპიკ მარსელთან ორწლიანი წარმატებული თანამშრომლობა დაასრულა და თურქულ კლუბთან ოთხწლიანი კონტრაქტი გააფორმა, რომელიც 2030 წლის ივნისამდეა გათვლილი.
ტრანსფერის ოფიციალური ღირებულება 39 მილიონ ევროს შეადგენს, თუმცა სხვადასხვა წყაროების მიხედვით, ბონუსებისა და დამატებითი პირობების გათვალისწინებით, გარიგების საერთო ღირებულება 40-45 მილიონ ევრომდე შეიძლება გაიზარდოს.
ეს თანხა მარსელური კლუბის ისტორიაში რეკორდული სატრანსფერო გაყიდვაა. აღსანიშნავია, რომ მანჩესტერ იუნაიტედი, რომლის რიგებიდანაც გრინვუდი 2024 წელს მარსელში გადავიდა, გაყიდვის შემთხვევაში გათვალისწინებული საპროცენტო წილის წყალობით, ამ გარიგებიდან მნიშვნელოვან ფინანსურ სარგებელს მიიღებს.
გრინვუდმა მარსელის მაისურით ჩატარებულ 81 ოფიციალურ მატჩში 48 გოლი გაიტანა და 17 საგოლე გადაცემა მიითვალა. გასულ, 2025-26 წლების სეზონში, მან ლიგა 1-ში 16 გოლი გაიტანა და ბომბარდირთა დავაში საუკეთესოებს შორის დაასრულა ასპარეზობა.
ფენერბახჩე იმედოვნებს, რომ ინგლისელი შემტევი გუნდს თურქეთის ჩემპიონატის ტიტულის დაბრუნებასა და ევროპულ ასპარეზზე წარმატების მიღწევაში დაეხმარება.
