მანჩესტერ იუნაიტედის ოფიციალური გვერდის ცნობით, კაზემირო მისი კონტრაქტის ამოწურვის შემდეგ, მომავალ ზაფხულს კლუბს დატოვებს.
ბრაზილიელმა ნახევარმცველმა კლუბში ოთხი სეზონი გაატარა და დღემდე 146 მატჩი ჩაატარა, სულ კი 21 გოლი გაიტანა.
კაზემირო ოლდ ტრაფორდზე 2022 წლის აგვისტოში წარადგინეს და მან მალევე მოიპოვა გულშემატკივრების სიყვარული თავისი მებრძოლი ხასიათისა და გადამწყვეტ მომენტებში გოლების გატანის უნარის გამო.
ბრაზილიის ნაკრების კაპიტანმა მნიშვნელოვანი როლი ითამაშა იუნაიტედის 2023 წლის კარაბაოს თასის მოგებაში, ნიუკასლის წინააღმდეგ გამართულ ფინალში მან თავით გაიტანა და გამორჩეული მატჩი ჩაატარა. 33 წლის ფეხბურთელმა ასევე 2024 წელს ასოციაციის თასი მოიგო.
გულშემატკივრებს ექნებათ შესაძლებლობა, სეზონის ბოლო საშინაო მატჩში, ნოტინგემის წინააღმდეგ, კაზემიროს წვლილი დააფასონ კლუბში.
მანჩესტერ იუნაიტედს მთელი ცხოვრების განმავლობაში გულში ვატარებ.
პირველი დღიდან, როცა ამ ლამაზ სტადიონზე გამოვედი, ოლდ ტრაფორდის ვნება და ის სიყვარული ვიგრძენი, რომელსაც ახლა ჩვენს გულშემატკივრებთან ერთად ვიზიარებ ამ განსაკუთრებული კლუბის მიმართ.
ახლა არ არის დამშვიდობების დრო, მომდევნო ოთხი თვის განმავლობაში კიდევ ბევრი მოგონება გვაქვს შესაქმნელი.
ჩვენ ჯერ კიდევ ბევრი რამ გვაქვს ერთად მოსაგები და როგორც ყოველთვის, ჩემი სრული ყურადღება დაეთმობა იმას, რომ ყველაფერი გავიღო ჩვენი კლუბის წარმატებისთვის.“ - განაცხადა კაზემირომ
