ოფიციალურად: მარტინესმა პორტუგალიის ნაკრები დატოვა

მსოფლიო ჩემპიონატის მერვედფინალში ესპანეთთან მარცხის (0:1) შემდეგ, კრიშტიანუ რონალდუ ერთადერთი არ არის, ვინც პორტუგალიის ნაკრებში ბოლო მატჩი ჩაატარა.

გუნდიდან წასვლის შესახებ განცხადება მთავარმა მწვრთნელმა, რობერტო მარტინესმაც გააკეთა.

ესპანელმა სპეციალისტმა პრესკონფერენციაზე თქვა:

ჩემი ეპოქა დასრულდა. ახლა მნიშვნელოვანია, რომ გუნდმა ყველაფერი სუფთა ფურცლიდან დაიწყოს. სრულიად ლეგიტიმურია, რომ პრეზიდენტმა საკუთარი მწვრთნელი აირჩიოს. მადლობელი ვარ იმ მხარდაჭერისთვის, რასაც აქ ვგრძნობდი

მარტინესს კონტრაქტის ვადა ამოეწურა და ის აღარ განახლდება. გავრცელებული ინფორმაციით, პორტუგალიის ნაკრების ახალი დამრიგებელი ლეგენდარული ჟორჟე ჟეზუსი გახდება.