საქართველოს ლიგა 4-ის ორმა ლიდერმა ლიგა 3-ში დაწინაურება ჩემპიონატის დასრულებამდე 3 ტურით ადრე გაინაღდა.
უჩა სოსიაშვილის გაწვრთნილმა ახალციხის სამცხემ არაგვი 2 უხვგოლიან შეხვედრაში 5:3 დაამარცხა, ხოლო ვაკო თევდორაძის გაწვრთნილმა ბათუმის ვესტ ჯორჯიამ ტორპედო 2-ს 3:1 მოუგო.
შედეგად, სამცხემ და ვესტ ჯორჯიამ გაინაღდეს საგზური, რომლითაც მომავალ სეზონს საქართველოს რანგით მე-3 დივიზიონში გაატარებენ.
1. სამცხე (ახალციხე) - 58 ქულა;
2. ვესტ ჯორჯია (ბათუმი) - 58 ქულა;
3. არაგველები (თბილისი) - 55 ქულა;
4. სამგურალი 2 (წყალტუბო) - 47 ქულა;
5. ბორჯომი (ბორჯომი) - 43 ქულა;
6. ვიტ ჯორჯია 2 (მცხეთა) - 42 ქულა;
7. სქური (წალენჯიხა) - 42 ქულა.
სამცხესა და ვესტ ჯორჯიას წარმატების შემდეგ ლიგა 3-ის კიდევ ერთი საგზური დარჩა გასათამაშებელი და თბილისის არაგველებს მისი განაღდების შანსი მომდევნო ტურშივე ექნებათ, როცა გაგრა 2-ს უმასპინძლებენ.
