მარსელის ყოფილი მწვრთნელი, რობერტო დე ძერბი, მზად არის ტოტენჰემის მთავარი მწვრთნელის პოსტი ჩაიბაროს, თუ კლუბი პრემიერ ლიგიდან არ გავარდება.
The Telegraph-ის ინფორმაციით, ლონდონელთა დროებითი მწვრთნელი, იგორ ტუდორი, გუნდში მუდმივ საფუძველზე ნამდვილად არ დარჩება. ამ ვაკანტურ პოზიციაზე მთავარი ფავორიტები დე ძერბი და აშშ-ის ნაკრების თავკაცი, მაურისიო პოჩეტინო არიან, რომელიც ტოტენჰემში ადრეც მუშაობდა.
კლუბს სურს ისეთი სპეციალისტი დანიშნოს, რომელსაც ევროთასებზე მუშაობის გამოცდილება აქვს.
ამასთანავე, ტოტენჰემი სპორტული დირექტორის თანამდებობაზე სებასტიან კელის კანდიდატურას განიხილავს. გერმანელმა სპეციალისტმა ანალოგიური პოსტი დორტმუნდის ბორუსიაში ცოტა ხნის წინ დატოვა.
