ორივე ფინალში საკვანძო კაცი - ნოტინგემის ლეგენდა გარდაიცვალა

ლეგენდარული ნოტინგემის ერთ-ერთი საკვანძო ფეხბურთელი, ჯონ რობერტსონი 72 წლის ასაკში გარდაიცვალა. ფორესტის თავკაცი ბრაიან კლაფი მას "ფეხბურთის პიკასოს" ეძახდა.

ნოტინგემელთათვის ჩემპიონთა ლიგის მომგებ ორივე ფინალში საკვანძო როლი ჰქონდა - 1979-ში მალმიოსთან ერთადერთი და გამარჯვების გოლისას ტრევორ ფრენსისზე ასისტი გააკეთა, ხოლო ერთი წლის შემდეგ ერთადერთი და ასევე გამარჯვების გოლი ჰამბურგთან თავად შეაგდო.

რობერტსონმა 16-წლიანი კარიერის 14 სეზონი სწორედ ნოტინგემ ფორესტში გაატარა და გუნდის ღირსება ჯამში 500-ზე მეტ შეხვედრაში დაიცვა.

შოტლანდიელ მარცხენა გარემარბს 1982 წლის მსოფლიო ჩემპიონატზე აქვს ნათამაშები და ახალ ზელანდიას გოლი გაუტანა, ხოლო მატჩში, რომელშიც საბჭოთა კავშირმა და შოტლანდიამ 2:2 ითამაშეს, გამათანაბრებელი გოლისას გრემ სუნესზე ასისტი გააკეთა - საბჭოელთა მხრიდან გოლები ალექსანდრე ჩივაძემ და რამაზ შენგელიამ შეაგდეს.