ისტორიული რეკორდი: რეალი და სიტი ჩემპიონთა ლიგის პლეი-ოფში ზედიზედ მეხუთედ შეხვდებიან

მანჩესტერ სიტისა და მადრიდის რეალის დაპირისპირება ჩემპიონთა ლიგის ნამდვილ კლასიკად იქცა.

წილისყრის შედეგად გაირკვა, რომ ეს გუნდები ტურნირის პლეი-ოფში ზედიზედ მეხუთედ შეხვდებიან ერთმანეთს.

Opta-ს მონაცემებით, ეს ჩემპიონთა ლიგის აბსოლუტური რეკორდია — ისტორიაში არ ყოფილა შემთხვევა, რომ ორ გუნდს გათამაშების გადამწყვეტ ეტაპზე ზედიზედ ხუთი სეზონის განმავლობაში ეთამაშა.

გავიხსენოთ ამ გრანდების ბოლო წლების დრამატული დაპირისპირებები:

2022 წელი (ნახევარფინალი): რეალმა წარმოუდგენელი ქამბექი შემოგვთავაზა და ორი მატჩის ჯამში აჯობა მეტოქეს (3:4, 3:1).

2023 წელი (ნახევარფინალი): ამჯერად პეპ გვარდიოლას გუნდმა იმარჯვა (1:1, 4:0) და მოგვიანებით ჩემპიონიც გახდა.

2024 წელი (მეოთხედფინალი): მადრიდელებმა შური იძიეს და პენალტების სერიით გააღწიეს შემდეგ ეტაპზე (3:3, 1:1, პენ. 4:3).

2025 წელი (1/16-ფინალური ეტაპი): რეალმა კვლავ დაამტკიცა უპირატესობა და ორმატჩიან დუელში მოიგო (3:2, 3:1).

საინტერესოა, რომ წელს ეს ორი გუნდი ლიგის ფაზაზეც შეხვდა ერთმანეთს: სანტიაგო ბერნაბეუზე გასამართი მატჩი სიტიმ 2:1 მოიგო.