მაიკლ ოუენის თქმით, მას ოქროს ბურთის მოგების დროს ამ პრიზის მასშტაბი არ ჰქონია გააზრებული.
ოუენი ოქროს ბურთის გამარჯვებული 2001 წელს გახდა.
„როცა ჟერარ ულიემ [ლივერპულის მწვრთნელი 1998-2004 წლებში - ავტ] დამირეკა და მითხრა, რომ ოქროს ბურთი მოვიგე, მე ვკითხე: "ეს რა ჯილდოა, მწვრთნელო?" წარმოდგენა არ მქონდა, რა პრიზზე იყო საუბარი, მის შესახებ გაგონილიც არაფერი მქონია. იმ დროს, მასზე ჩვენი პრესა არაფერს არ წერდა.
მხოლოდ რეალში თამაშისას მივხვდი, რომ ეს ჯილდო იყო როგორც ბრიტანული იმპერიის ორდენი, რომელიც მუდამ თან გდევს. ყოველთვის, როცა შენს სახელს ახსენებენ, ამბობენ: "ოქროს ბურთის გამარჯვებული."
საზღვარგარეთ ეს ძალიან მნიშვნელოვანი ჯილდოა, ჩვენთან კი მისი ხსენება ბოლო 5-10 წელიწადში დაიწყეს. სხვა ქვეყნებში მისი მოგება გაცილებით დიდი მოვლენა იყო. მე მისი მნიშვნელობა საკმაოდ სწრაფად გავიაზრე." - აღნიშნა ოუენმა.
