ფაბრეგასი ჩელსიში? - კომოს პრეზიდენტის პოზიცია

კომო არ შეეწინააღმდეგება სესკ ფაბრეგასის წასვლას, თუ მას ჩელსი გადაიბირებს, - ამის შესახებ კლუბის პრეზიდენტმა City AM-ს განუცხადა.

ფაბრეგასი, რომელიც ჩელსიში 5 სეზონის განმავლობაში თამაშობდა, ახლა სერია A-ს კლუბის - ტბა კომოს სანაპიროზე მდებარე გუნდის - მთავარი მწვრთნელია და ერთ-ერთ ფავორიტად მოიაზრება სტემფორდ ბრიჯზე გათავისუფლებული ლიამ როსენიორის შემცვლელად.

„თუ ეს მას გააბედნიერებს, ეს მისი არჩევანია,“ - თქვა კლუბის პრეზიდენტმა მირვან სუვარსომ City AM-თან საუბარში, როდესაც ჰკითხეს, სურდათ თუ არა ფაბრეგასის დარჩენა.

გინდა, რომ შენი თანამშრომლები რაც შეიძლება დიდხანს დარჩნენ შენთან, მაგრამ საბოლოოდ ჩვენ მას არ ვფლობთ და ის თავისუფალია, წავიდეს ჩელსიში, თუ ამას ისურვებს.

გავრცელებული ინფორმაციით, ფაბრეგასი ფლობს კომო 1907-ის აქციების დაახლოებით ერთ პროცენტს ფლობს, კლუბისა, რომელიც ჯერ კიდევ 2019 წელს იტალიის მე-4 დივიზიონში თამაშობდა. მასთან ერთად თანამფლობელია არსენალის კიდევ ერთი ყოფილი ფეხბურთელი, ტიერი ანრი.

ფაბრეგასი - ჩელსის მთავარი კანდიდატი?

სუვარსომ, რომელიც კლუბის ინდონეზიურ მფლობელებთან დაკავშირებულია, აღნიშნა, რომ „სანამ ის არ წავა იტალიურ კლუბში , რომელიც კონკურენტია“, არსებობს მექანიზმები, რათა ესპანელმა შეინარჩუნოს თავისი აქციები.

ბიზნესი ბიზნესია, იდეები იდეებია. უნდა შევხედოთ ყველაფერს ისე, როგორც აზრი აქვს, ხომ ასეა? ეს უბრალოდ საღი აზრია.

ფაბრეგასი ასევე აქტიურად არის ჩართული კომოს ფონდში.