ფალკაო: „ოქროს ბურთის მოგებაზე ვოცნებობდი, მაგრამ მე მესის და რონალდუს თაობიდან ვარ"

ატლეტიკოსა და კოლუმბიის ნაკრების ყოფილმა თავდამსხმელმა, რადამელ ფალკაომ აღიარა, რომ ოქროს ბურთის მოგებაზე ოცნებობდა.

2012 წლის გამოკითხვის შედეგებით, ფალკაომ მე-5 ადგილი დაიკავა და მხოლოდ ლიონელ მესის, კრიშტიანუ რონალდუს, ანდრეს ინიესტასა და ჩავის ჩამორჩა.

„ასეთი მოთამაშეების ზურგსუკან ყოფნა ბევრს ნიშნავს. განსაკუთრებით იმის გათვალისწინებით, რომ ატლეტიკოში ვთამაშობდი, რომელიც მაშინ აგუეროსა და ფორლანის წასვლის შემდეგ გუნდს თავიდან აწყობდა. რთული სეზონი იყო, სანამ დიეგო სიმეონე გრეგორიო მანსანოს შეცვლიდა.

ყველა ფეხბურთელი ვერ შეძლებს შვილიშვილებს ასეთი რამ მოუყვეს (იცინის). რა თქმა უნდა, ოქროს ბურთის მოგებაზე ვოცნებობდი, მაგრამ მე კრიშტიანუსა და მესის თაობიდან ვარ.

ესპანეთში გატარებულ ორ წელიწადში ლა ლიგაში 24 და 28 გოლი გავიტანე. ისინი რომ არა, საუკეთესო ბომბარდირი გავხდებოდი (იღიმის). ვფიქრობ, არასდროს ვყოფილვარ ისეთი ძლიერი, როგორიც ატლეტიკოში ჩემი მეორე სეზონის დროს“, – განაცხადა ფალკაომ.