2026 წლის მსოფლიო ჩემპიონატზე ინგლისისა და ხორვატიის მატჩის მიმდინარეობისას, ჰიდრატაციის შესვენებებს გულშემატკივრების მხრიდან მწვავე პროტესტი მოჰყვა.
ტრიბუნებზე მყოფმა ბრიტანელმა და ხორვატმა ქომაგებმა ეს პაუზები სტვენითა და უკმაყოფილო შეძახილებით გააპროტესტეს.
ფიფას ახალი რეგულაციით, მუნდიალის ყველა (104-ვე) მატჩში, მიუხედავად ამინდისა და სტადიონის გადახურვისა, თამაშის პირველი და მეორე ტაიმების 22-ე წუთზე არბიტრი ვალდებულია შეხვედრა 3 წუთით (180 წამით) შეაჩეროს. გულშემატკივრები, ექსპერტები და თავად ფეხბურთელები (მაგალითად, ნიდერლანდების კაპიტანი ვირჯილ ვან დაიკი) აღნიშნავენ, რომ ეს წესი სრულად კლავს თამაშის დინამიკასა და ტემპს.
ვან დაიკი წყლის შესვენებებს აკრიტიკებს
მწვრთნელები კი ამ პაუზას უბრალოდ მოულოდნელი ტაქტიკური მითითებებისთვის იყენებენ. ინგლისის ნაკრების მწვრთნელმა, ტომას ტუხელმაც მატჩის წინ აღნიშნა, რომ ამ შესვენებებს გუნდის გადასაწყობად გამოიყენებდა.
გულშემატკივრებისა და ექსპერტების აზრით, ფიფას მხრიდან „ფეხბურთელთა კეთილდღეობაზე“ ზრუნვა უბრალოდ ფარია, რეალური მიზეზი კი ამერიკული კომერციული ინტერესებია. ფიფამ მაუწყებლებს ოფიციალურად მისცა უფლება, ამ 3-წუთიანი პაუზების დროს 2 წუთი და 10 წამი სარეკლამო ჭრებს დაუთმონ.
