მუნდიალის ჯგუფური ეტაპის პირველი ტური დასრულდა - გთავაზობთ პირველი ტურის საუკეთესო თერთმეტეულის ჩვენ ვერსიას.
განლაგება: 3-2-3-2
მეკარე: ვოზინია - კაბო-ვერდე.
პორტუგალიის მეორე ლიგაში მოთამაშე 40 წლის კიპერმა ესპანელების წინააღმდეგ ბურთი შვიდჯერ მოიგერია, კარი მშრალად შეინახა და მატჩის საუკეთესო მოთამაშედაც დასახელდა
მცველები:
დინი ბორჯესი - კაბო-ვერდე: გამორჩეული იყო კაბო-ვერდეს ცენტრალური მცველი. დანიმ პირველ ტურში ერთ-ერთი საუკეთესო შედეგი დააფიქსირა - 18 დაცვითი კონტრიბუცია.
ვირჯილ ვან დაიკი - ნიდერლანდები: ნიდერლანდების კაპიტანმა სოლიდური თამაში აჩვენა, როგორც დაცვაში, ასევე შეტევაში - ლივერპულელმა გოლიც გაიტანა და გახდა მატჩის საუკეთესო მოთამაშის ჯილდოც დაისაკუთრა.
იოზუა კიმიხი - გერმანია: სოლიდური იყო გერმანიის ნაკრების კაპიტანი. 5 საკვანძო პასი, 2 საგოლე შანსის შექმნა და 2 საგოლე გადაცემა.
ნახევარმცველები:
აიოუბ ბუადი - მაროკო: მაროკომ ჯერჯერობით ერთ-ერთი ყველაზე გამართული გუნდის შთაბეჭდილება დატოვა - გამორჩეული იყო ლილის 18 წლის ნახევარმცველი აიოუბ ბუადი.
იასინ აიარი - შვედეთი: აიარს უდიდესი წვლილი მიუძღვის შვედეთის ნაკრების ბრწყინვალე გამარჯვებაში ტუნისთან - წარმოშობით ტუნისელმა ნახევარმცველმა ორი ბრწყინვალე გოლი გაიტანა.
შემტევები:
ლიონელ მესი - არგენტინა: არგენტინელმა ალჟირის ნაკრებს ჰეთ-თრიქი შეუსრულა, მატჩის საუკეთესო ფეხბურთელი გახდა და მუნდიალების ყველა დროის საუკეთესო ბომბარდირთა სიაში მიროსლავ კლოზეს გაუთანაბრდა. არგენტინელს ერთპიროვნულად გასალიდერებლად ერთი გოლი აკლია.
მაიკლ ოლისე - საფრანგეთი: გამორჩეული იყო ფრანგი სენეგალის წინააღმდეგ - საგოლე გადაცემა, 2 საგოლე შანსის შექმნა, 4 საკვანძო პასი, არაერთი ლამაზი მომენტი და მატჩის საუკეთესო მოთამაშის ჯილდო.
კილიან მბაპე - საფრანგეთი: მუნდიალების ისტორიაში ერთ-ერთმა საუკეთესო ფეხბურთელმა წლევანდელი მუნდიალიც საოცრად დაიწყო - მის წინააღმდეგ არდანიშნული პენალტის შემდეგ კილიანმა ორჯერ აიღო მენდის კარი.
ფორვარდები:
ჰარი კეინი - ინგლისი: საოცარი მატჩი ჩაატარა ინგლისის ნაკრების კაპიტანმა - 2 გოლი, 2 საკვანძო გადაცემა, ნახევარდაცვითი თუ დაცვითი კონტრიბუციები და მატჩის საუკეთესო მოთამაშის ჯილდო. კეინი მუნდიალზე გატანილი ინგლისური გოლებით გარი ლინეკერს გაუთანაბრდა - მუნდიალზე ორივე ფორვარდს 10 გოლი უგროვდება.
ფლორიან ბალოგუნი - აშშ: ბრწყინვალე თამაში აჩვენა პოჩეტინოს ამერიკამ - გამორჩეული იყო ფლორიან ბალოგუნი - თამაშგარის გამო გაუქმებული პირველი გოლის შემდეგ, მონაკოს ფორვარდმა კიდევ ორჯერ აიღო პარაგვაის კარი მატჩის პირველ ნახევარში. 1930 წლის შემდეგ პირველი ამერიკული დუბლის ავტორი დამსახურებულად გახდა მატჩის საუკეთესო მოთამაშე.
