ჩელსის შემტევმა პედრუ ნეტუმ ჩელსისთან ერთად მსოფლიო საკლუბო ჩემპიონატის ფინალში გასვლა ტრაგიკულად დაღუპულ თანამემამულეს, დიოგუ ჟოტას მიუძღვნა.
პორტუგალიის ნაკრებისა და ლივერპულის ფეხბურთელი, დიოგუ ჟოზე ტეიშეირა და სილვა თავის ძმასთან ერთად ავტოკატასტროფაში 3 ივლისს დაიღუპა.
„ბოლო რამდენიმე დღე მართლა ძალიან მძიმე იყო. მხოლოდ იმის თქმა მინდა, რომ ფინალში გასვლას დიოგუს და მის ძმას ვუძღვნი.
ჩემთვის ეს ძალიან რთული საკითხია, რომელზე ლაპარაკიც უზომოდ მიჭირს. იმედი ვიქონიოთ, რომ ტურნირის მოგებას მისთვის შევძლებ.
თუმცა, მინდა ეს ფინალიც მას მივუძღვნა და მის ოჯახს მხარდაჭერა გამოვუცხადო ამ ურთულეს პერიოდში." - აღნიშნა ფლუმინენსესთან მოგების შემდეგ პორტუგალიელმა ფეხბურთელმა.
