ფეიენოორდში ერთ ლეგენდას მეორე შეცვლის

ფეიენოორდს ჰოლანდიური ფეხბურთის კიდევ ერთი ლეგენდა ჩაიბარებს.

როგორც იცით, რამდენიმე დღის წინ კლუბმა მთავარი მწვრთნელის თანამდებობიდან ოფიციალურად დაითხოვა რობინ ვან პერსი, რომელთან ერთადაც გუნდმა ერედივიზიაში მე-2 ადგილი დაიკავა, თუმცა ჩემპიონ პსვ-ს 19 ქულით ჩამორჩა.

ვან პერსის შემცვლელად კი ჯოვანი ვან ბრონქორსტი დაინიშნა, რომელიც გუნდს 2015-2019 წლებში უკვე წვრთნიდა.

ფეიენოორდთან ერთად ვან ბრონქორსტმა 2016/17-წლების ერედივიზია, ჰოლანდიის სუპერთასი (2) და სუპერთასი (2) აქვს მოგებული. მშობლიური გუნდის შემდეგ მას ჩინურ გუანჯოუში, შოტლანდიურ რეინჯერსში და ბეშიქთაშში აქვს ნამუშევარი, ბოლო თითქმის ორი წელია კი უმუშევარია.