"პერესმა მითხრა ლამაზია, მაგრამ ერთი აკლიაო", - ანჩელოტი

კარლო ანჩელოტიმ თავის წიგნში გაიხსენა, როგორ მიანიშნა ფლორენტინო პერესმა მეათე ჩემპიონთა ლიგის მოგების საჭიროებაზე.

იტალიელმა სპეციალისტმა რეალს ლიგის მე-10 თასი 2014 წელს, 12-წლიანი პაუზის შემდეგ მოაგებინა.

„პრეზიდენტმა ფლორენტინო პერესმა ტიტულების ოთახში გამიყვანა. იქ ესპანეთში მოგებული ერთი თასიც არ დამხვდა.

სამაგიეროდ, დამახვედრეს ჩემპიონთა ლიგის თასები, რომელიც კლუბმა მთელი წლების მანძილზე მოიპოვა - ყველა თასს მოპოვების წელი ეწერა. სულ ცხრა იყო და მეათესთვის თავისუფალი ადგილი იყო დატოვებული.

პრეზიდენტმა შემომხედა და მითხრა: "ლამაზია, მართლაც, მაგრამ ერთი აკლია." - წერს იტალიელი სპეციალისტი თავის ავტობიოგრაფიაში.