ზინედინ ზიდანმა Gazzetta dello Sport-თან საუბრისას გაამხილა, რომ 2017 წლის ჩემპიონთა ლიგის ფინალს გამეორებით ბევრჯერ უყურა და ყველა ჯერზე ერთი და იმავე ფრაზას ამბობდა.
"ჩემი კარიერის საუკეთესო მომენტი მსოფლიო ჩემპიონობის შემდეგ? რეალთან ერთად 2017 წელს ჩემპიონთა ლიგის მოგება. როგორც იმ მატჩის მეორე ტაიმი ვითამაშეთ... ეს ნამდვილად ბრწყინვალე იყო. ის შეხვედრა გამეორებით ოთხჯერ, ხუთჯერ, ექვსჯერ მექნება ნანახი და ყველა ჯერზე ვამბობ: "ეს არის ფეხბურთი! სრულყოფილება", - ამბობს ზიზუ.
2017 წლის ჩემპიონთა ლიგის ფინალში, რეალმა იუვენტუსი 4:1 დაამარცხა. ბლანკოსმა მეორე ტაიმი 3:0 მოიგო - გოლები კაზემირომ, რონალდუმ და ასენსიომ გაიტანეს, პირველ ტაიმშიც რონალდუმ შეაგდო.
იუვესთან ნახსენები მოგებით, რეალი გახდა ჩემპიონთა ლიგის ისტორიაში პირველი კლუბი, რომელმაც ტურნირზე ტიტული დაიცვა. ეს შემდეგ წელს კიდევ ერთხელ გააკეთეს - კიევში, ლივერპულთან.
