ფინეთი-ინგლისის მატჩზე ქართველი მსაჯები იმუშავებენ

უეფას ერთა ლიგის მე-4 ტურში ფინეთისა და ინგლისის ნაკრებების შეხვედრა შედგება. მატჩს ქართველ მსაჯთა ბრიგადა გაუძღვება.

მთავარი არბიტრი გიორგი ყრუაშვილი იქნება, მას ასისტენტობას ლევან ვარამაშვილი და ზაზა ფიფია გაუწევენ. მე-4 მსაჯი გიორგი ავაზაშვილი იქნება. VAR-ის ჯიხურში კი ფრანგ ბენუა მილოს ალეკო აფციაური დაეხმარება.

გიორგი ყრუაშვილმა ცოტა ხნის წინ უეფას ევროპა ლიგის მატჩი მაკაბი თელ ავივსა და მიდტიულანდს შორის იმსაჯა.

ფინეთისა და ინგლისის მატჩი 20:00 საათზე დაიწყება.