მაროკო მუნდიალის პირველი 1/4 ფინალისტია.
პირველ 1/8 ფინალში აფრიკულმა გუნდმა თანამასპინძელი კანადის ნაკრები დამაჯერებლად, 3:0 დაამარცხა.
წინა მუნდიალის მეოთხეადგილოსნისთვის მატჩი მძიმედ დაიწყო - პირველი წყლის შესვენების წინ დაზიანება გუნდის ერთ-ერთმა ლიდერმა, ისმაილ საიბარიმ მიიღო და თამაშის გაგრძელება ვერ მოახერხა.
პირველი ნახევრის უგოლო ფრედ დასრულების შემდეგ, 50-ე წუთზე აფრიკელებმა სტანდარტი კარგად გაითამაშეს და უნაჰიმ უზუსტესი დარტყმით შეძლო ანგარიშის გახსნა.
მეორე გოლიც აზედინ აუნაჰიმ, ბრაჰიმ დიასის პასით გაიტანა. შეხვედრაში წერტილი კი საიბარის ნაცვლად ცვლილებაზე შემოსულმა რაჰიმიმ, მსაჯის მიერ კომპენსირებულ მე-8 წუთზე, ასევე ბრაჰიმის გადაცემის შემდეგ დასვა.
1/4 ფინალში მაროკოელები საფრანგეთსა და პარაგვაის შორის გამარჯვებულს დაუპირისპირდებიან და თუ ეს ფავორიტი საფრანგეთი იქნება, მაშინ წინა მსოფლიო ჩემპიონატის 1/2 ფინალის გამეორებას ვიხილავთ, სადაც ფრანგებმა 2:0 იმარჯვეს.
