ბათუმში მიმდინარე ძალოსნობის ევროპის ჩემპიონატზე, საქართველოს ქალთა ნაკრებმა პირველი მედლები მოიპოვა.
+86 კგ. წონით კატეგორიაში, ანასტასია გოტფრიდმა, ატაცში 118 კილოგრამის დაძლევით, ვერცხლის მედალი დაიმსახურა, აკვრაში 144 კილოგრამით კი მე-4 შედეგი ჰქონდა, თუმცა, ორჭიდის შედეგად, 262 კილოგრამს მოუყარა თავი და ბრინჯაოს მედლის მფლობელი გახდა.
საქართველოს ნაკრებს მიმდინარე ტურნირზე 8 მედალი აქვს: გოტფრიდის მედლებამდე, გოდერძი ბერდელიძე (60 კგ.) - ატაცში და ზურაბ მსხალაძე (88 კგ.) - აკვრაში ევროპის ჩემპიონები გახდნენ, იმავე მსხალაძემ ატაცში ვერცხლის მედალი მოიპოვა, რამინ შამილიშვილმა (60 კგ.), არჩილ მალაყმაძემ (79 კგ.) და მანუჩარ გოგოხიამ (88კგ.) ბრინჯაოს მედალი მოიგეს.
ოქრო და ვერცხლი ევროზე - მსხალაძემ ნაკრებს კიდევ 2 მედალი მოუტანა
