VIDEO: ძალიან ცოტა MVP-ობამდე - შენგელიას ბარსამ ხატიაშვილის ბასკონიას მოუგო
3 სთ წინ · 0 წთ წასაკითხად
-
Aa
+
ფონტის ზომა
თორნიკე შენგელიას ბარსელონამ, ესპანეთის ლიგა ენდესას 28-ე ტურში, მათე ხატიაშვილის ბასკონიას სტუმრად მოუგო - 95:92.
გამარჯვებაში მთავარი წვლილი ჰქონდა შენგელიას, რომელმაც ყოფილ გუნდთან 29:56 წუთში 20 ქულა, 6 მოხსნა, 2 ასისტი მიითვალა. მისმა ეფექტიანობის ინდექსმა 26 შეადგინა, რაც მხოლოდ მატჩის MVP კობი სიმონსის მაჩვენებელს ჩამორჩება - 27.
სიმონსს 25 ქულა, 2 მოხსნა, 5 ასისტი ჰქონდა. რაც შეეხება 17 წლის ხატიაშვილს, ის ვიტორიელთა განაცხადში არ ყოფილა.
28 ტურის შემდეგ, ბარსასაც და ბასკონიასაც 19-19 მოგება აქვთ და ცხრილში მეოთხე-მეხუთე ადგილებს იყოფენ.
მომდევნო ტურში კატალონიელები მე-15 ადგილოსან გრან კანარიას (8 მოგება, 20 წაგება) უმასპინძლებენ, ხოლო ბასკები, ასევე საკუთარ დარბაზში, მე-10 ადგილოსან ბრეოგანს (12 მოგება, 16 წაგება) მიიღებენ.
