ჰანსი ფლიკი რეალთან (4:3) მატჩში თავისი გუნდის დაცვაში თამაშით უკმაყოფილო დარჩა.
„ეს გამარჯვება ქომაგებს და ფეხბურთელებს ეძღვნებათ. რეალს დიდებული გუნდი ჰყავს. 0:2-დან შევძელით დაბრუნება და ეს მილანში გამართული მატჩის შემდეგ, რომელიც 120 წუთზე მეტხანს გაგრძელდა. გაგვიჭირდა გამკლავება, მაგრამ შევძელით. გული უნდა შევიმოწმო.
დაცვაში თამაში საგრძნობლად უნდა გავაუმჯობესოთ. ყველაფერი კარგად მიდის, როცა პრესინგზე ვართ, მაგრამ როგორც კი შეცდომას დავუშვებთ, როგორც პირველი გოლის დროს, ეგრევე ყველაფერი რთულდება.
გუნდი კარგ კოლექტიურ გადაწყვეტილებებს იღებს. დღეს ძლიერ ფეხბურთელებს დავუპირისპირდით. თავის მართლებას არ ვცდილობ, მაგრამ ვარჯიშებზე ასეთი მომენტების გადავლა რთულია, რადგან ყოველ სამ დღეში ვთამაშობთ.
მოსამატებელი გვაქვს და წინასასეზონო მზადების დაგეგმვასაც სწორედ ამ კუთხით ვუყურებთ." - აღნიშნა ფლიკმა.
