რაფინია: "ბევრი მომენტი გავანიავე და კლასიკოში საუკეთესოობას არ ვიმსახურებდი"

გუშინ ჩატარებული ელ კლასიკოს (ბარსელონა 4:3 რეალი) საუკეთესო ფეხბურთელად რაფინია დასახელდა, რომელმაც ორი გოლი გაიტანა.

თუმცა, თავად ბრაზილიელის თქმით, ის არ ფიქრობს, რომ საუკეთესოს წოდებას იმსახურებდა.

„მე სხვებს მივცემდი ამ პრიზს. საუკეთესო თამაში არ მქონია. ჩემი აზრით, პედრი ყველა მატჩში საუკეთესოა. მე კი ფერანზე, კუბარსიზე, ინიგოზე ცუდად ვითამაშე.

ორზე მეტი გოლის გატანა შემეძლო. სამი მომენტი გავანიავე, რომლებიც აუცილებლად გასატანი იყო. საკუთარი თავის მიმართ უდიდესი მოთხოვნები მაქვს და უფრო მეტს ვფიქრობ გაფუჭებულ მომენტებზე, ვიდრე გატანილზე.

ყოველთვის ვცდილობ საუკეთესო თამაში ვაჩვენო და როცა არ გამომდის, ვერ ვიშორებ თავიდან ფიქრებს, რომ ბევრად უკეთ შემეძლო თამაში." - აღნიშნა რაფინიამ.