ფლიკმა მოურინიოს შესახებ დასმულ კითხვას თავი აარიდა

ბარსელონას მთავარმა მწვრთნელმა, ჰანსი ფლიკმა ლა ლიგაში ელჩესთან გასამართი სადებიუტო მატჩის წინ პრესკონფერენცია გამართა.

მან მადრიდის რეალის ახალი მწვრთნელის, ჟოზე მოურინიოს შესახებ დასმულ შეკითხვას თავი აარიდა.

ჟურნალისტმა აღნიშნა, რომ ბოლო სეზონებში ფლიკის გუნდის დომინაციის შემდეგ, რეალმა მოურინიო ბარსელონას შესაჩერებლად, „ბოლო იმედად“ დაიმატა და ფლიკს მოლოდინების შესახებ ჰკითხა. გერმანელმა სპეციალისტმა კი საკმაოდ ცივად და მკაცრად უპასუხა:

ხვალ მადრიდის რეალს ვეთამაშებით? არა? მაშინ გთხოვთ, ელჩეს შესახებ მკითხოთ.

მზადება ელჩესთან მატჩისთვის და როდრის შეფასება

მომავალ მატჩზე საუბრისას ფლიკმა აღნიშნა, რომ მიუხედავად ფეხბურთელების დაღლილობისა და სათამაშო წუთების გადანაწილების აუცილებლობისა, გუნდი 100%-ით უნდა დაიხარჯოს, რადგან სეზონის გამარჯვებით დაწყება უმნიშვნელოვანესია.

პრესკონფერენციაზე ფლიკმა ბარსელონას ახალწვეული, როდრიც შეაქო და აღნიშნა, რომ ის ნამდვილი ლიდერია, რომლის გუნდში ყოფნითაც ყველა ბედნიერია.