პორტუგალიის ნაკრების ფეხბურთელები 2026 წლის მსოფლიო ჩემპიონატზე გარდაცვლილი თანაგუნდელის, დიოგუ ჟოტას, პატივსაცემად სპეციალურ სამახსოვრო სამაჯურებს გაიკეთებენ.
ამის შესახებ ნახევარმცველმა ვიტინიამ განაცხადა.
სამაჯურები, რომლებიც ფეხბურთელებს პრემიერ-მინისტრმა ლუიშ მონტენეგრუმ აჩუქა, ნაკრების ყველა წევრის სახელთან ერთად დიოგუ ჟოტას სახელსაც ატარებს.
ჟოტამ პორტუგალიის ნაკრების მაისურით 49 მატჩი ჩაატარა და 14 გოლი გაიტანა, ხოლო მისი არყოფნა თანაგუნდელებისთვის დღემდე მტკივნეულია.
როდესაც პრემიერ-მინისტრს შევხვდით, მან ეს სამაჯურები გვაჩუქა.
„ყველაფერი ისე იყო გათვლილი, რომ მოედანზე მათი ტარება შესაძლებელი ყოფილიყო. სამაჯურზე ყველა ფეხბურთელის სახელია დატანილი, ასევე განსაკუთრებული ადგილი ეთმობა დიოგუ ჟოტას სახელს.
მან არჩევანის თავისუფლება მოგვცა, გაგვეკეთებინა თუ არა, როდის და როგორ გამოგვეყენებინა. ჩვენ ეს საჩუქარი დიდი სიყვარულით მივიღეთ და გადავწყვიტეთ, რომ მათ მატჩების დროსაც გავიკეთებთ.“ - განაცხადა ვიტინიამ ჟურნალისტებთან.
პორტუგალია მსოფლიო ჩემპიონატზე ასპარეზობას ოთხშაბათს დაიწყებს.
ყველაფერი, რაც K ჯგუფის შესახებ უნდა იცოდეთ - მუნდიალი 2026
