პრემიერ ლიგამ 2026/27 წლების სეზონისთვის PUMA-ს ახალი, ზამთრის ოფიციალური ბურთი წარადგინა.
მაღალი ხილვადობის მქონე ახალი ბურთის დებიუტი მიმდინარე უქმეებზე, სანაკრებო პაუზის დასრულების შემდეგ შედგება. კერძოდ, შაბათს, მე-11 ტურის გახსნით შეხვედრაში, რომელშიც მანჩესტერ სიტი საკუთარ მოედანზე ფულემს უმასპინძლებს.

ახალი მოდელი PUMA-ს თანამედროვე ტექნოლოგიებსა და მკვეთრ ვიზუალურ დიზაინს აერთიანებს. ბურთის ერთ-ერთი მთავარი ტექნიკური მახასიათებელია რეაქტიულობა.

აზოტით გამდიდრებული ქაფი დარტყმისას ენერგიის მაქსიმალურ უკუგებას უზრუნველყოფს, რაც ბურთს მეტ სისწრაფესა და ძალას ანიჭებს.

პანელების ზუსტი კონსტრუქცია აბალანსებს ჰაერის ნაკადს და ამცირებს წინააღმდეგობას, რაც ფრენის უფრო პროგნოზირებად და ზუსტ ტრაექტორიას განაპირობებს.
ტექსტურირებული გარე საფარი ამცირებს ჰაერის წინააღმდეგობას, ეხმარება ბურთს ფეხიდან მოწყვეტისთანავე სწრაფად აჩქარებასა და ჰაერში მაქსიმალური სიჩქარის შენარჩუნებაში.